Azərbaycanda qanunsuz ağac kəsimlərinə görə cinayət işi başlanılıb
Tarix: 9-08-2022, 15:45
Baxılıb: 1 013
Google+ Paylaş
Tumblr Paylaş

Azərbaycanda qanunsuz ağac kəsimlərinə görə cinayət işi başlanılıb

9-08-2022, 15:45

Azərbaycanda qanunsuz ağac kəsimlərinə görə cinayət işi başlanılıb.


Bu barədə "dogruxeber.com"a Baş Prokurorluğun Mətbuat Xidmətindən məlumat verilib.

Bildirilib ki, quruma daxil olan vətəndaşların ərizələri, media və səlahiyyətli dövlət qurumlarının məlumatları əsasında Cinayət təqibindən kənar icraatlar idarəsində Bakı şəhərinin Nəsimi rayonu, habelə Yevlax və Xaçmaz rayonlarının ərazilərində qanunsuz ağackəsmə faktları ilə bağlı araşdırma aparılıb.

Belə ki, Nəsimi rayonuda “Şərq İnşaat” MTK-nın icarəsinə verilmiş olduğu ərazidə, Bakı-Qazax magistral avtomobil yolunun Yevlax rayonu ərazisindən keçən hissəsində “Lalə tekstil” MMC-nə məxsus tikilinin qarşısında meşə fonduna daxil olmayan və Xaçmaz rayonunun ərazisində meşə fonduna daxil olan ağacların və kolların qanunsuz kəsilməsi, həmin ərazinin qanunsuz şumlanması və əkilməsi faktları aşkar edilib.

Fakta görə Cinayət Məcəlləsinin 188.1 (torpaq üzərində mülkiyyət, istifadə və ya icarə hüququnu pozma), 255.1 (yerin təkinin qorunması və istifadəsi qaydalarını pozma), 259.2.3 və 259.2.4-cü (qanunsuz ağac kəsmə) maddələri ilə cinayət işləri başlanılaraq istintaqın aparılması üçün aidiyyəti üzrə daxili işlər orqanlarına göndərilib.


Google+ Paylaş
Tumblr Paylaş

FACEBOOK ŞƏRH YAZ