Ana səhifə |    Haqqımızda |    Əlaqə
  
yüklənir...
Xəbər Lenti
MTN zabiti kartlardan pul oğurlayıb - İkinci dəstənin cinayətləri

MTN zabiti kartlardan pul oğurlayıb - İkinci dəstənin cinayətləri

yüklənir...

Ləğv edilmiş Milli Təhlükəsizlik Nazirliyinin ikinci dəstəsinin cinayət işi üzə istintaq tamamlanıb və iş məhkəməyə göndərilib. İstintaq zamanı bu zabitlərin saysız-hesabsız cinayət əməlləri ortaya çıxıb.

Cinayət materiallarından əldə etdiyi məlumata görə, "MTN”çilərdən biri hətta oğurluq etməkdə də təqsirləndirilir.

Bu şəxs Monitorinq Mərkəzinin sabiq sədri Teymur Quliyevin işçisi, 3-cü şöbənin 1-ci bölməsinin əməliyyat müvəkkili Eşqin Əliyevdir.

Eşqin Əliyev ifadə verərək özünü qismən təqsirli bildiyini deyib. O, vətəndaşların bank kartlarından gizlin pul çıxarması barədə hər şeyi etiraf edib. Deyib ki, 2015-ci ilin avqust və sentyabr aylarında statistika proqramı ilə işləyərkən qanunsuz pul köçürmələri sözü ilə axtarış verdikdə qarşısına plastik bank kartlarının CVV və CVC rəqəmləri çıxıb: "Mesajla hansısa şəxs digərinə özünün plastik bank kartının nömrələrini, qüvvədə olma müddətinin bitmə tarixlərini və CVV, CVC nömrələrini göndərərək onun kartına pul transfer etməsini xahiş etmişdi. Əmək haqqı ilə gündəlik xərclərimi çatdırmadığım üçün həmin məlumatlardan pul qazanmaq qərarına gəldim. Statistik proqrama CVV və CVC sözlərini yazıb axtarış verdikdə bu sözlərin SMS-lə göndərildiyi telefon nömrələri qarşıma çıxdı. "Hesab.az” saytı vasitəsi ilə atamın adına olan "UNİBANK”ın "Albalı plyus” kartına statistik proqramı vasitəsi ilə həmin hesablardan 10-20 manat köçürtdüm. Həftədə 4 dəfə belə etməklə 300-350 manat pul köçürürdüm. Sonra da onları çıxarıb xərcləyirdim”.

Bundan sonra MTN zabiti E.Əliyev beynəlxalq alış-veriş saytları üzərindən də cinayət yolu ilə qazanc əldə etməyə başlayıb: "2015-ci ilin oktyabr ayında "İAMAS” proqramında "E-BAY” saytı vasitəsilə xaricdən mal gətirmək üçün sifarişçi olaraq özümün yox, hər hansı bir başqa şəxsin adını yazmaq istədim, ağlıma "Azər Əliyev” adı gəldi. Bu adı axtarışa verdim, Əliyev Azər Ağa oğlu adında şəxsin məlumatlarını əldə etdim. Proqram vasitəsilə həmin adamın şəklini götürüb öz telefonumun yaddaşına saldım. "E-bay”dan sifarişlər verdim, 1-2 həftə sonra Milli Məclisin qapalı poçtuna zəng edib sifarişin gəldiyini öyrəndim. Ora gedib Azər Əliyevin şəklini və şəxsiyyət vəsiqəsindəki məlumatları göstərib paketləri aldım. Poçt işçisi olan xanım Azər Əliyevin özünün gəlməli olduğunu deyəndə həmin adamın MTN-də işlədiyini, gəlməyə vaxtı olmadığını dedim, özümü də Azər Əliyevin köməkçisi kimi təqdim etdim.

"E-bay”dan birinci dəfə 70 dollarlıq gümüş boyunbağı, ikinci dəfə isə 90 dollarlıq qızıl üzük almışdım”.

E.Əliyev üçüncü dəfə isə 1 boyunbağı və 1 kulon sifariş edib, lakin paketləri gəlməmiş özü həbs olunub. O saxlanılarkən boyunbağını təhvil verib. Təcridxanaya köçürüləndə isə qara remenli boyunbağı "Tibet qılıncı” kulonunu da təhvil verib.

E.Əliyevin əməlləri isə nazir Eldar Mahmudov vəzifəsindən çıxarılmadan öncə aşkarlanıb. O, anasının adına olan karta başqa vətəndaşların hesabından pul köçürüb və həmin pulla "E-bay”dan "Mini Dron Kamera” sifariş edib. Oktyabrın 9-da Monitorinq Mərkəzinin rəis müavini Fuad Səfərov onu yanına dəvət edərək nə işlə məşğul olduğunu soruşub: "Mən yalnız xidməti vəzifələrimin icrası ilə məşğul olduğumu dedikdə Fuad Səfərov məndən səmimi olmağını və hər şeyi ona danışmağımı təklif etdi. Əks halda mənə suallar verəcəyi barədə xəbərdarlıq etdi. Bank hesablarından qanunsuz transferlər etdiyimi etiraf etdim, Fuad Səfərov izahat yazmağımı tələb etdi, mən də yazdım”.

E.Əliyev özünü yalnız bank hesablarından pul çıxarmaqda təqsirli bildiyini deyib: "Telefonların dinlənilməsi və digər əməliyyatları rəisim Teymur Quliyevin göstərişi ilə etmişəm”.

E.Əliyev Cinayət Məcəlləsinin 177.2.3-1-ci (oğurluq; elektron məlumat daşıyıcılarından, yaxud informasiya texnologiyalarından istifadə edilməklə törədildikdə), 302.2-ci ( Əməliyyat-axtarış fəaliyyəti haqqında qanunvericiliyi pozma; gizli qaydada informasiya alınması üçün nəzərdə tutulmuş texniki vasitələrdən istifadə edilməklə törədildikdə), 308.2-ci (Vəzifə səlahiyyətlərindən sui-istifadə; ağır nəticələrə səbəb olduqda) və 309.1-ci (Vəzifə səlahiyyətlərini aşma) maddələri ilə ittiham olunur.

скачать dle 10.6фильмы бесплатно
yüklənir...

Digər son xəbərlər

©2016 DogruXeber.Com | Bütün hüquqlar qorunur